Библиотекабыт фондатыгар киирбит саҥа кинигэлэри билиһиннэрэбит.
Саха литературатын төрүттээччилэртэн биирдэстэрэ, саха литературатыгар комедия жанрын саҕалааччы Николай Денисович Неустроев олоҕун, айар үлэтин сырдатар "Саха литературатын суолдьут сулуһа Н.Д.Неустроев" диэн Неустроева Антонина Николаевна хомуйан оҥорбут, 2020 с. "Дани-Алмас" компанияҕа бэчээттэммит тупсаҕай оҥоһуулаах, элбэх хаартыскаларынан ситэриллибит кинигэ ааҕааччылар болҕомтолорун тардыаҕа.
"Сүрэх уостубат сыламынан" диэн Улуу Кыайыы 70 сылынан, республика ветераннарын хамсааһыннарын 30 сылынан нэһилиэкпит аҕа саастаахтарын үлэлэрин-хамнастарын, айар талааннарын сырдатар, Ф.А.Андросова, В.В. Богдокумова, М.П.Табунанова 2015 с. хомуйан оҥорбут альбомнарын библиотекаҕа редактор Феврония Андреевна Андросова бэлэхтээтэ.
Г.И.Каприн "Дойдум дьоно" диэн 2020 с. Дьокуускай к. Троев Ю.А. издательствотыгар бэчээттэммит кинигэтигэр Таатта үлэһит, үтүө-мааны дьонун, о.д.а. туһунан сырдаппыт, ааҕааччыларын кытта бэйэтин санааларын үллэстибит. "Мин доҕорум-атаһым" ыстатыйа биир дойдулаахпыт Павел Павлович Андросов сырдык кэриэһигэр анаммыт.
Comments