Нэһилиэкпит олохтооҕо Лена Прокопьевна Попова Н. Михалева - Сайа "Ойуунускай музейыгар" айымньытыгар сиэттэрэн суруйбут хоһоонун билиһиннэрэбит.
Ойуунускайга...
Сайа кыыс сайаҕас тылынан
Сааһылаан сахалыы суруйбут.
Сэмээр, сэмэйдик көрдөспүтүн
Сэҥээрэр, сөпсөһөр буоллахпыт.
Улуу Ойуунускай убайбыт
Сахаҕын ааттатар туһугар
Үөрэнэн, ирдэһэн, модьуйан
Киэҥ сири айаннаан тэлбитиҥ.
Сахалыы ааҕыыны тэрийэн,
Үөрэҕи, сырдыгы сахпытыҥ.
Норуотун сайдарын эрэнэн
Кынаттаах кэриэтэ буолбутуҥ.
Хомойуох балыырга түбэһэн
Эрэйи көрөҥҥүн өспүтүн.
Төһөлөөх хоргутан, санаарҕаан
Хараҕын уутунан сууммутуҥ.
Билигин эн ааккын сахалар
Үрдүктүк, күндүтүк тутабыт.
Көтөр аал вокзалар куоракка
Эн аатын күн аайы дуорайар.
Comments